Mayda-mayda osmonlardan yog`ar yomg`ir,
Bilarmikan qanchalar menga og`ir?
Yolg`on ekan yor sevgisi, bildim oxir,
Kerak emas menga yorning azoblari.
Yomg`ir, yuvib ketgin mening dardlarimni,
Alam to`la sog`inchli ul damlarimni.
Unutganday bo`lay barcha g`amlarimni,
Kerak emas menga yorning azoblari.
Osmonlardan yog`adi tomchi-tomchi yomg`irlar,
Afsuski, ushalmaydi, so`ndi-so`ndi orzular.
Ko`nikishga majbur yurak, ayro-ayro taqdirlar,
Seni menga eslatadi bugun o`sha yomg`irlar. (x2)
Va’dalarga ishonganim xato bo`ldi,
Bu holimga kimlar kulib, kimlar yondi.
Eslamayman deyman, lekin yomg`ir yog`di,
Kerak emas menga yorning azoblari.
Sevgi degan tuyg`u asli o`yinmidi?
Undan kutganlarim faqat azobmidi?
Menga shuncha ko`z yoshlarim kerakmidi?
Kerak emas menga yorning azoblari.
Osmonlardan yog`adi tomchi-tomchi yomg`irlar,
Afsuski, ushalmaydi, so`ndi-so`ndi orzular.
Ko`nikishga majbur yurak, ayro-ayro taqdirlar,
Seni menga eslatadi bugun o`sha yomg`irlar. (x2)